Argentina chempionati bir haftalik tanaffus oladi: 9-tur uchrashuvlari keyinroq o‘tkaziladi. Bunga mamlakat futbol federatsiyasi atrofida yana bir bor korrupsiya bilan bog‘liq mojaro yuzaga kelgani sabab bo‘ldi. Bu haqda euro-football.ru xabar beradi.
Qiziq tomoni, 7 va 8-tur o‘yinlari reja bo‘yicha o‘tkaziladi, tanaffus esa aynan 9-tur taqvimiga to‘g‘ri keladi. Rejaga ko‘ra, 9-tur bahslari 5–8 mart kunlari bo‘lib o‘tishi kerak edi, biroq 5 mart kuni AFA prezidenti Klaudio Tapia tribunal oldida javob berishi kutilmoqda.
derbyderbyderby.it xabariga ko‘ra, sobiq futbolchilar va xodimlarga pensiya to‘lovlari bilan bog‘liq sxema orqali 19 milliard peso miqdoridagi soliqlardan qochilgani gumon qilinmoqda. Yevro hisobida bu qariyb 12 millionni tashkil etadi. Shuningdek, federatsiya tuzilmalari pul yuvish jarayonlariga ham aralashgan bo‘lishi mumkinligi haqida shubhalar bor.
“Zamin”ni Telegramʻda oʻqing!
