"Barselona" direktorlar kengashi a'zosi Joan Soler klub yirik transferlarga qo'l urishga tayyor ekanini ta'kidladi. Uning aytishicha, kataloniyaliklar moliyaviy imkoniyatlari hisobiga eng katta yulduzlar uchun kurash olib borishi mumkin. Bu haqda euro-football.ru xabar beradi.
"Ha, biz Holand yoki Alvares kabi futbolchilarni ham tarkibga qo'sha olamiz. Bunday xaridlar besh yil ichida o'zini oqlaydi. Klubning moliyaviy holati bunga yo'l beradi", — dedi Soler Cadena Ser efirida.
Endi asosiy savol — "Barselona" yaqin yozdayoq top hujumchilardan birini olib kelish uchun amaliy qadam tashlaydimi-yo'qmi. Xususan, Holand hozir dunyoning eng kuchli futbolchilaridan biri sanaladi, Transfermarkt portali esa norvegiyalik yulduzni 200 million yevroga baholagan.
“Zamin”ni Telegramʻda oʻqing!
