Saudiya Arabistoni Pro-ligasida «Al-Nasr» navbatdagi turda «Al-Namdja»ni 5:0 hisobida yirik magʻlub etib, turnir jadvalida yetakchilikka chiqib oldi. Uchrashuvda hisobni Krishtianu Ronaldu ochdi: portugaliyalik hujumchi 7-daqiqada penaltini aniq ijro etdi. Bu haqda euro-football.ru xabar beradi.
Oʻyin tugaganidan koʻp oʻtmay 41 yoshli Ronaldu ijtimoiy tarmoqlarda post qoldirdi. U fotosuratlar jamlanmasini joylab, unga qisqa izoh yozdi.
«Shunday davom eting!» — deb yozdi Ronaldu.
Shu tariqa Krishtianu Ronalduning faoliyati davomida urgan gollari soni 965 taga yetdi. 1000 gol marrasi tobora yaqinlashmoqda.
Eslatib oʻtamiz, oʻtgan yili Ronaldu «Al-Nasr» bilan shartnomasini uzaytirgandi — kelishuv 2027 yilning oʻrtalarigacha moʻljallangan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
