Tadbirkor e'lon Mask "X" platformasining alohida aloqa vositasi hisoblangan "XChat" ilovasini "App Store" do'konida rasman ommaga taqdim etdi. Mazkur dastur asosiy ijtimoiy tarmoq negizida yaratilgan bo'lib, foydalanuvchilarning maxfiyligini ta'minlashga qaratilgan mustaqil aloqa vositasi sifatida faoliyat yuritadi. Ilova mavjud "X" akkaunti bilan to'liq sinxronlashadi va o'rnatilganidan so'ng obunachilar hamda do'stlar ro'yxatini avtomatik ravishda shakllantiradi.
Yangi tizimning o'ziga xos jihati shundaki, unda ro'yxatdan o'tish uchun telefon raqamini kiritish talab etilmaydi. Barcha yozishmalar va qo'ng'iroqlar "End-to-end" shifrlash tizimi bilan himoyalangan bo'lib, ma'lumotlar hatto platforma xodimlaridan ham yashiriladi. Foydalanuvchilar o'z suhbatlarini maxsus PIN-kod yordamida himoya qilishlari, shuningdek, suhbatdoshning ekran rasmini olishini taqiqlashlari yoki xabarlarning avtomatik o'chib ketish vaqtini belgilashlari mumkin.
"XChat" orqali yuqori sifatli audio va video qo'ng'iroqlarni amalga oshirish, yirik hajmdagi fayllarni almashish imkoniyati yaratilgan. Ilova mutlaqo reklamasiz ishlaydi va foydalanuvchilarni kuzatish algoritmlaridan xoli ekanligi aytilmoqda. Hozirda dastur faqat "iPhone" va "iPad" qurilmalari uchun ochiq, "Android" versiyasi esa yaqin haftalar ichida chiqarilishi kutilmoqda. Mask ushbu qadam orqali o'zining raqamli ekotizimini kengaytirishda davom etmoqda.
“Zamin”ni Telegramʻda oʻqing!
