Argentina chempionati bir haftalik tanaffus oladi: 9-tur uchrashuvlari keyinroq o‘tkaziladi. Bunga mahalliy futbol federatsiyasi atrofida yana bir korrupsiya mojarosi sabab bo‘ldi. Bu haqda euro-football.ru xabar beradi.
Qiziq tomoni, 7 va 8-tur o‘yinlari reja bo‘yicha o‘tkaziladi, taqvimdagi tanaffus aynan 9-turga to‘g‘ri keladi. U odatda 5–8 mart kunlari bo‘lib o‘tishi kerak edi. Bu 5 mart kuni AFA prezidenti Klaudio Tapia tribunal oldida javob berishi kutilayotgani bilan izohlanmoqda.
derbyderbyderby.it xabariga ko‘ra, sobiq futbolchilar va xodimlarga pensiya to‘lovlari bilan bog‘liq sxema orqali 19 milliard peso miqdoridagi soliqlardan qochilgani gumon qilinmoqda (Yevro hisobida ham deyarli 12 million). Shuningdek, federatsiya tuzilmasi pul yuvish jarayonlariga aloqador bo‘lishi mumkinligi ham tekshirilmoqda.
“Zamin”ni Telegramʻda oʻqing!
