Tajribali murabbiy Yuriy Syomin PSJning hozirgi holati haqida fikr bildirdi. Uning ta’kidlashicha, Luis Enrike boshqaruvidagi jamoa Chempionlar Ligasida ketma-ket ikkinchi bor g‘olib chiqish salohiyatiga ega. Bu haqda euro-football.ru xabar beradi.
Eslatib o‘tamiz, PSJ o‘tgan mavsumda Chempionlar Ligasini klub tarixida ilk bor qo‘lga kiritgandi. Final bahsida parijliklar «Inter»ni 5:0 hisobida yirik mag‘lub etgan.
Syominning aytishicha, PSJda titulni yana himoya qilish uchun real imkoniyatlar bor. U fransuz chempionatida tarkibda ko‘p rotatsiya bo‘lgani, jamoa esa kuchini asosan Chempionlar Ligasi uchun tejagandek ko‘ringanini qayd etdi.
Pley-offga chiqish uchun o‘tish bosqichida PSJ «Monako»ni osonlikcha yenga olmadi: safarda 3:2 hisobida g‘alaba qozondi, uyda esa 2:2 durang qayd etildi. 1/8 finalda esa parijliklarni yanada jiddiy raqib kutmoqda — «Barselona» yoki «Chelsi».
“Zamin”ni Telegramʻda oʻqing!
