Rossiya terma jamoasi va Moskvaning CSKA klubida sobiq himoyachi bo'lgan Aleksey Berezutskiy “Monako” yarim himoyachisi Aleksandr Golovin Rossiya Premyer-ligasiga qaytishni istamaydi, degan fikrda. Bu haqda euro-football.ru xabar beradi.
Berezutskiyga ko'ra, Golovinning Yevropadagi faoliyatidan keyin CSKAga qaytishi chiroyli voqea bo'lardi, biroq futbolchining o'zi bunga qiziqmasligi ehtimoli yuqori. Bu haqda Legalbet uning so'zlarini keltirdi.
Golovin 2018 yil yozidan buyon “Monako” sharafini himoya qilib kelmoqda. Rossiyalik futbolchining fransuz klubi bilan amaldagi shartnomasi 2029 yil iyun oyi oxirigacha mo'ljallangan.
Joriy mavsum Fransiya Liga 1 musobaqasida Aleksandr 16 ta uchrashuvda maydonga tushib, 2 ta gol urdi va 4 ta golli uzatma muallifi bo'ldi.
“Zamin”ni Telegramʻda oʻqing!
