Россия терма жамоаси ва Москванинг ЦСКА клубида собиқ ҳимоячи бўлган Алексей Березуцкий “Монако” ярим ҳимоячиси Александр Головин Россия Премьер-лигасига қайтишни истамайди, деган фикрда. Бу ҳақда euro-football.ru хабар беради.
Березуцкийга кўра, Головиннинг Европадаги фаолиятидан кейин ЦСКАга қайтиши чиройли воқеа бўларди, бироқ футболчининг ўзи бунга қизиқмаслиги эҳтимоли юқори. Бу ҳақда Legalbet унинг сўзларини келтирди.
Головин 2018 йил ёзидан буён “Монако” шарафини ҳимоя қилиб келмоқда. Россиялик футболчининг франсуз клуби билан амалдаги шартномаси 2029 йил июн ойи охиригача мўлжалланган.
Жорий мавсум Франция Лига 1 мусобақасида Александр 16 та учрашувда майдонга тушиб, 2 та гол урди ва 4 та голли узатма муаллифи бўлди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
