“Barselona” prezidenti Joan Laporta Chempionlar ligasida “Nyukasl”ga qarshi bo‘ladigan o‘yinlar haqida o‘z fikrini bildirdi. Bu haqda euro-football.ru xabar beradi.
1/8 final bosqichiga qur’a tashlash marosimi juma kuni bo‘lib o‘tdi. Kataloniyaliklar “Nyukasl” bilan ilk uchrashuvini 10 mart kuni o‘tkazishi rejalashtirilmoqda, javob bahsi esa oradan sakkiz kun o‘tib bo‘lib o‘tadi.
Laportaning aytishicha, jamoa bu mavsum “Nyukasl” bilan allaqachon to‘qnash kelgan va o‘shanda natija ijobiy chiqqan. Shu bilan birga, u ikki o‘yinli qarama-qarshiliklar butunlay boshqa talablarga ega ekanini ta’kidlab, “Barselona” maksimal intensivlikda o‘ynashi va tinimsiz ishlashi kerakligini qayd etdi.
Jamoalarning sentyabr oyida umumiy bosqich doirasida “Sent-Jeyms Park”da o‘tgan uchrashuvida “Barselona” 2:1 hisobida g‘alaba qozongandi.
“Zamin”ni Telegramʻda oʻqing!
