«Galatasaray»ning argentinalik hujumchisi Mauro Ikardi agentlari futbolchining klubdagi istiqboli bo‘yicha rahbariyat bilan uchrashuv o‘tkazishni rejalashtirmoqda. Bu haqda euro-football.ru xabar beradi.
Insayder Nikolo Skiraning ma’lumotiga ko‘ra, futbolchi vakillari va Istanbul klubi rahbariyati o‘rtasidagi muzokaralar aprel oyida bo‘lib o‘tadi.
Shu bilan birga, Ikardiga qiziqish bildirayotgan jamoalar ham bor: ular hujumchini erkin agent sifatida shartnoma asosida safiga qo‘shib olishga tayyor.
Ikardining «Galatasaray» bilan amaldagi bitimi 2026 yil 30 iyungacha mo‘ljallangan. 33 yoshli futbolchining bozor qiymati 6 million yevroga baholanmoqda.
2025/2026 yilgi mavsumda argentinalik hujumchi 36 ta o‘yinda maydonga tushib, 15 ta gol urdi va 2 ta golli uzatmani amalga oshirdi.
“Zamin”ni Telegramʻda oʻqing!
