2026/2027 yilgi mavsumdan boshlab futbol qoidalariga vaqt choʻzishni kamaytirishga qaratilgan oʻzgartirishlar kiritiladi. BBC xabariga koʻra, ataylab choʻzish holatlari aniqlansa, toʻp raqib jamoaga beriladi. Bu haqda euro-football.ru xabar beradi.
Agar vaqt choʻzish darvozabonning darvoza zarbasini bajarish jarayonida qayd etilsa, qarshi tomonga burchak toʻpi tepish huquqi taqdim etiladi.
Yana bir muhim yangilik: almashtirish paytida maydondan chiqayotgan futbolchiga 10 soniya beriladi. U belgilangan vaqtda chiqib ketmasa, yangi futbolchi oʻyinga 60 soniyaga kechroq qoʻshiladi — natijada jamoa bir daqiqa davomida bir kishi kam boʻlib oʻynaydi.
Avvalroq futbolda yaqin vaqt ichida “Vinisius qoidasi” ham joriy etilishi mumkinligi haqida xabarlar tarqalgan edi.
“Zamin”ni Telegramʻda oʻqing!
