Marselo Gallardo murabbiy sifatidagi so'nggi uchrashuvini o‘tkazdi: uning jamoasi «Banfield»ga qarshi bahsda 3:1 hisobida g‘alaba qozonib, ketma-ket uchta mag‘lubiyatdan iborat omadsiz seriyaga nuqta qo‘ydi. Bu haqda euro-football.ru xabar beradi.
Aynan shu muvaffaqiyatsiz davr Gallardoning lavozimi bilan xayrlashishiga sabab bo‘ldi. Shunga qaramay, klub unga munosib tarzda ketish imkonini berdi va murabbiy bu lahzani juda ta’sirli tarzda yakunladi.
Uchrashuvdan keyin ko‘z yoshlarini tiyolmagan Gallardo muxlislarga minnatdorlik bildirdi: «Shunchaki hammaga rahmat. Sizning mehringizni so‘z bilan ifodalash qiyin. Men butunlay ketmayapman. «River»dan hech kim abadiy ketmaydi. Bu sehrli joy: ketsangiz ham, baribir klub bilan qolaverasiz», — dedi u.
Eslatib o‘tamiz, Gallardo 1990-yillarda «River Pleit» safida ham, Argentina terma jamoasida ham to‘p surgan.
“Zamin”ni Telegramʻda oʻqing!
