Turkiyada «Galatasaray» va «Fenerbahche» vakillari bo‘lgan ikki futbolchi qimor stavkalari bilan bog‘liq holat sabab jiddiy jazoga tortilishi mumkin. Bu haqda euro-football.ru xabar beradi.
Gap «Galatasaray» futbolchisi Metehan Baltadji hamda «Fenerbahche» sardori Mert Hakan Yandash haqida ketmoqda. Mahalliy manbalarga ko‘ra, Baltadjiga 13 yilgacha, Yandashga esa 17 yilgacha qamoq jazosi tahdid qilmoqda.
Sabah nashri xabariga ko‘ra, Baltadji kamida ikki marta «Galatasaray» ishtirokidagi uchrashuvlarga pul tikkan. U o‘sha o‘yinlarda asosiy tarkibda bo‘lmagan, biroq jamoa qaydnomasiga kiritilgani aytiladi. Shu bois futbolchi natijaga bilvosita ta’sir ko‘rsatish imkoniyatiga ega bo‘lgani ta’kidlanmoqda.
Amaldagi Turkiya qonunchiligiga ko‘ra, professional sportchi stavka tikishda o‘z maqomini oldindan ma’lum qilishi shart. Xabarda Baltadji bu talabni bajarmagani qayd etilgan.
“Zamin”ni Telegramʻda oʻqing!
