"Real Madrid" shu uch yulduz atrofida kelajagini qurmoqda...
"Real Madrid" klubi o'zining kelajagini Kilian Mbappe, Vinisius Junior va Jud Bellingem atrofida qurishni rejalashtirmoqda. "El Mundo" nashriga ko'ra, rahbariyat ushbu uchta yulduz futbolchi bilan xayrlashish niyati yo'qligini ta'kidlagan. Jamoaning joriy mavsumdagi natijalariga qaramay, klub ushbu yetakchilarning katta salohiyatiga ishonadi. Maqsad — ushbu uchlik yordamida kelgusi mavsumlarda yuqori cho'qqilarni zabt etishdir.
"Real Madrid" rahbariyati jamoaning asosiy yetakchilari hisoblangan uch yulduz — Kilian Mbappe, Vinisius Junior va Jud Bellingem bilan xayrlashish niyatida emas. Bu haqda “El Mundo” nashri maʼlum qildi.
Manbaga ko‘ra, madridliklar aynan shu uch futbolchi atrofida yangi jamoa qurishni davom ettirmoqchi. Klub ichki muhitida hozirgi tarkib katta salohiyatga ega ekaniga ishonch yuqori bo‘lib, kelgusi mavsumlarda ham asosiy yuklama shu yulduzlarga tushishi rejalashtirilgan.
Joriy mavsumda "Real Madrid" Ispaniya chempionatida ikkinchi o‘rinda bormoqda. Chempionlar Ligasida esa jamoa chorak finalgacha yetib borib, “Bavariya”ga qarshi ikki o‘yinda 1:2 va 3:4 hisoblarida mag‘lub bo‘lib, musobaqani yakunladi.
Shunga qaramay, klub kelajakni yo‘qotilgan mavsum bilan o‘lchamoqchi emas. “Real”da ishonch shunday: katta maqsadlar uchun katta yulduzlar kerak va bu uchlik hali o‘z so‘zini aytadi.
Izohlar 0
…