Birlashgan Arab Amirliklarida xalqaro turnirda ishtirok etayotgan Rossiya ayollar terma jamoasining rejalariga Yaqin Sharqdagi murakkab siyosiy vaziyatga qaramay o'zgartirish kiritilmadi. Bu haqda euro-football.ru xabar beradi.
Rossiya futbol ittifoqi (RFS) matbuot xizmati jamoa Pink Ladies Cup doirasidagi qolgan ikki uchrashuvga odatdagi tartibda tayyorgarlikni davom ettirayotganini ma'lum qildi.
RFS vakillarining ta'kidlashicha, bugun terma jamoada reja asosidagi tayyorgarlik mashg'ulotlari bor, ertaga esa o'yinoldi ishlari o'tkaziladi. 3 mart kuni uchrashuv bo'lib o'tadi va hozircha taqvimda hech qanday o'zgarish yo'q.
Eslatib o'tamiz, rossiyalik futbolchilar turnirdagi ilk bahsda Tanzaniya ustidan 4:1 hisobida yirik g'alaba qozongan. 3 mart kuni Rossiya Gana bilan, 6 martda esa Gonkongga qarshi maydonga tushadi.
“Zamin”ni Telegramʻda oʻqing!
