Бирлашган Араб Амирликларида халқаро турнирда иштирок этаётган Россия аёллар терма жамоасининг режаларига Яқин Шарқдаги мураккаб сиёсий вазиятга қарамай ўзгартириш киритилмади. Бу ҳақда euro-football.ru хабар беради.
Россия футбол иттифоқи (РФС) матбуот хизмати жамоа Pink Ladies Cup доирасидаги қолган икки учрашувга одатдагидек тартибда тайёргарликни давом эттираётганини маълум қилди.
РФС вакилларининг таъкидлашича, бугун терма жамоада режа асосидаги тайёргарлик машғулотлари бор, эртага эса ўйинолди ишлари ўтказилади. 3 март куни учрашув бўлиб ўтади ва ҳозирча тақвимда ҳеч қандай ўзгариш йўқ.
Эслатиб ўтамиз, россиялик футболчилар турнирдаги илк баҳсда Танзания устидан 4:1 ҳисобига йирик ғалаба қозонган. 3 март куни Россия Гана билан, 6 мартда эса Гонконгга қарши майдонга тушади.
“Zamin”ни Telegram'да ўқинг!
