FIFA prezidenti Janni Infantino uchrashuv paytida raqibi bilan tortishuvda og'zini berkitib gapiradigan futbolchilarga qat'iy choralar ko'rish kerakligini aytdi. Uning fikricha, bunday holatlar qizil kartochka bilan jazolanishi lozim. Bu haqda euro-football.ru xabar beradi.
Yaqinda Chempionlar ligasidagi bahsda "Benfika" vingeri Janluka Prestiani "Real" hujumchisi Viniusius Juniorga murojaat qilayotganda og'zini futbolkasi bilan yopib olgan. Braziliyalik futbolchi esa hakamga nisbatan irqchilik ruhidagi haqoratlar yangraganidan shikoyat qilgan.
Infantinoning ta'kidlashicha, agar futbolchi og'zini yopib nimadir desa va keyin u irqchilik haqoratida ayblansa, bunday vaziyatning o'zi qizil kartochkaga sabab bo'lishi kerak. U buni taxminiy haqoratdan ko'ra oddiy mantiq bilan izohladi: agar haqoratli so'z bo'lmasa, nega og'izni berkitish zarur.
Ikki uchrashuv natijasiga ko'ra "Real" "Benfika"ni 3:1 hisobida ortda qoldirib, keyingi bosqichga yo'l oldi.
“Zamin”ni Telegramʻda oʻqing!
