Toshkentda 2,59 gektar yer maydoni 241 mlrd so'mga sotuvga chiqdi
Toshkentning Yashnobod tumanida joylashgan 2,59 gektar maydonga ega bino va inshootlar majmuasi 241,85 mlrd so‘m boshlang‘ich narx bilan auksionga qo‘yildi. "Mashinasozlar" metro bekati yaqinidagi ushbu hududda hozirda omborxonalar mavjud bo‘lib, ob’ekt barcha zaruriy kommunikatsiya tarmoqlari bilan ta’minlangan. Mazkur lot prezidentning xususiylashtirish dasturi doirasida "E-auksion" platformasi orqali sotuvga chiqarilgan. Savdolar joriy yilning 25-may kuni bo‘lib o‘tadi va arizalar shu kuni soat 9:00 ga qadar qabul qilinadi.
Davlat aktivlarini boshqarish agentligi Toshkent shahrining Yashnobod tumanida joylashgan binolar majmuasini sotuvga qo'ydi. Ushbu ob'ekt bo'yicha ma'lumotlar E-auksion elektron savdo platformasida e'lon qilindi. Bu haqda Spot.uz xabar beradi.
Yer uchastkasi Elbek ko'chasi bo'ylab, "O'zdonmaxsulot" kompaniyasining un zavodi va Toshkent mexanika zavodi hududi oralig'ida joylashgan. Mazkur hudud "Mashinasozlar" metro bekati yaqinida bo'lib, hozirda u yerda omborxonalar mavjud.
Majmuaning umumiy maydoni 2,59 gektarni tashkil etadi. Undagi omborlar va yordamchi ob'ektlarning maydoni 4 729 kvadrat metrga teng. Hudud suv va elektr energiyasi bilan ta'minlangan.
Lotning boshlang'ich narxi 241,85 mlrd so'm etib belgilangan. Savdolar 25 may kuni soat 10:00 da bo'lib o'tadi, arizalar esa shu kuni soat 9:00 ga qadar qabul qilinadi. Ushbu ob'ekt prezident tomonidan 2023 yil mart oyida tasdiqlangan xususiylashtirish dasturi doirasida sotilmoqda.
Izohlar 0
…