Bugun O‘zbekiston jamoalari Osiyo chempionlar ligasida joriy mavsumdagi ilk o‘yinlarini o‘tkazadilar. Qarshining "Nasaf" va Toshkentning "Paxtakor" jamoalari musobaqani saralash bosqichidan boshlaydilar.
Toshkent vaqti bilan soat 16:00da Qarshidagi "Markaziy" stadionda "Nasaf" Iordaniyaning "Al Faysaliy" jamoasini sinovdan o‘tkazadi.
Coat 22:00da esa Dohada "Paxtakor" mahalliy "Al Garafa" jamoasiga qarshi maydonga tushadi.
Ma’lumot uchun, ushbu pley-off bahslari bitta o‘yindan iborat bo‘ladi. Jamoalarimiz bugungi bahslarni o‘z foydalariga hal qila olsalar, Osiyo chempionlar ligasining guruh bosqich bahslariga yo‘llanma oladilar.
O‘zbekiston milliy olimpiya qo‘mitasi prezidenti va mamlakat futbol assotsiatsiyasining birinchi vitse-prezidenti Umid Ahmadjonov mazkur bahslarda har ikkala jamoamizga ham omad tiladi.
"Xalqimiz hali hamon yosh futbolchilarimizning g‘alabasini bayram qilmoqda. Kuni kecha futzalchilarimizni yaxshi niyatlar bilan Xitoy Taypeyida o‘tkaziladigan Osiyo chempionatiga kuzatdik. Ulardan umidimiz katta. Nasib qilsa, yaxshi natijalar bilan O‘zbekistonga qaytadilar.
O‘z o‘rnida bugun Osiyo chempionlar ligasida yurtimiz sharafini himoya qiladigan ikki klubimiz - "Nasaf" va "Paxtakor" jamoalariga omad tilaymiz. Ular bugun o‘tkaziladigan o‘yinlarda g‘alaba qozonib, "Lokomotiv" qatorida chempionlar ligasining guruh bosqichida ishtirok etishini tilab qolaman. O‘zbek xalqi sizlarga ishonadi. Olg‘a, yigitlar", - dedi Umid Ahmadjonov.
Manba: www.the-uff.com “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Zoir Mirzayev “Telefonsiz maktab”ga 300 mln so‘m mukofot berdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
