13:53 / 26.11.2015
5 013

Togolik futbolchi Emmanuel Adebayor islom dinini qabul qildi

Togolik futbolchi Emmanuel Adebayor islom dinini qabul qildi

«Tottenxem»ning sobiq hujumchisi, asli togolik Emmanuel Adebayor islom dinini qabul qildi. 1984 yili 24 fevralda tug‘ilgan futbolchi oldin nasroniylik diniga e’tiqod qilgan, deb xabar beradi O‘zbekiston musulmonlari idorasi Axborot xizmati.

«Futbolchi o‘zining xayriya ishlari bilan saxovatli futbolchi nomini olgan. Jumladan, Adebayor o‘z diyori – Togoda shifoxona va maktab ochgan. Gana hukumatiga suv tortib beruvchi 2 ta uskuna taqdim etgan. Hamda og‘ir kasalga chalingan ayolning hayotini saqlab qolishda o‘z hissasini qo‘shgani barchaga ma’lum. U ‘Afrika musulmonlariga yordam qo‘lini cho‘zing’ nomli jamg‘arma tashkil etib, bir qancha nufuzli tashkilotlar bilan aloqani yo‘lga qo‘ydi», — deyiladi idora xabarida.

Adebayor Qur’oni karim ma’nolarini chuqur o‘rgandi va islomga o‘tishining 12 ta sababini keltirdi.

Internetda togolik futbolchining islomga o‘tishning asosiy sharti hisoblangan — shahodat kalimasini keltirayotgani tasvirlangan video tarqalgandi.


Manba: Daryo.uz


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » Togolik futbolchi Emmanuel Adebayor islom dinini qabul qildi
[/banner_pushhouse