“Nasaf” klubi bosh murabbiyi Ro‘ziqul Berdiyev Superliga 5-turi doirasida “Navbahor”ga (0:0) qarshi kechgan uchrashuvidan so‘ng o‘z fikrlari bilan o‘rtoqlashdi.
"O‘yinni o‘zlaringiz guvohi bo‘ldilaringiz, kurashga boy o‘yin bo‘ldi. Bugun ikkala jamoa ham g‘alaba uchun kurashdi. Balki o‘yinni sifati uncha yuqori bo‘lmagandir, ammo maydonda qattiq kurash bo‘ldi. Shundan kelib chiqib bugungi uchrashuv durangga mos bo‘ldi deb, aytish mumkin. Ammo ikkala jamoa ham g‘alaba uchun kurash olib bordi.
Albatta, o‘z oldiga yuqori maqsadlarni qo‘ygan jamoalar ochko yo‘qotganda natija hech qachon qoniqtirmaydi. Bugungi natija bizni aslo qoniqtirmadi. Takror aytaman bugungi uchrashuv kurashlarga boy bo‘ldi.
Keyingi uchrashuvlarda durang qayd etayotganimizga asosiy sabab, uchrashuvlarda gol ura olmayapmiz. G‘alaba qozonish uchun gol urish talab etiladi. Himoyada yaxshiroq harakat qilayotgandirmiz, ammo hujumlarda gol urish uchun oqsayapmiz. Bu bizning kamchiligimiz. Futbol iborasi bilan aytganda, gol urmasdan g‘alabaga erishib bo‘lmaydi. Bu bizning muammomiz, bu bizni aslo qoniqtirmaydi, kamchilik ustida ishlashimiz kerak.
Dragan Cheran keyingi bir oy davomida jarohati tufayli bizga yordam bera olmadi. Uni o‘yin amaliyoti juda kam. Ammo shunga qaramasdan biz bugun uni maydonga tushirdik. Maydonda bizga muxlislar bosimiga va raqibning standart vaziyatlardagi xavfli o‘yinini bartaraf etish uchun ham, u bizga bugun kerak edi.
Jasur Hasanovni zaxiradan maydonga tushirganimizga sabab, biz keyingi vaqtlarda tez-tez o‘yinlar o‘tkazayapmiz. Shu sabab, ayrim o‘yinchilarimizning kuchini tejashga majburmiz. O‘zlaringizga ma’lum, bizni oldimizda yana bir muhim o‘yin kutib turibdi. Vaziyat shuni taqazo etayapti.
To‘g‘ri, ba’zi o‘yinchilarimiz zaxira o‘rindig‘ida qolib ketayapti. Bunga sabab, jamoadagi raqobat. Biz barcha o‘yinchilarimizga maydonga tushishga imkoniyat beramiz, ammo bu o‘yinchi o‘zini ko‘rsata olishi kerak", - deydi mutaxassis
Foto manbasi: t.me/FcNasafOfficial
Manba: www.fcnasaf.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Rossiya dunyodagi birinchi vodorod yoqilg‘ili avtomobilni taqdim etdi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Qaysi kundalik odatlar immunitet pasayishiga olib kelishini bilasizmi?
Zoir Mirzayev “Telefonsiz maktab”ga 300 mln so‘m mukofot berdi