Xabaringiz bor, bugun O‘zbekiston Milliy olimpiya qo‘mitasi prezidenti va O‘zbekiston futbol assotsiatsiyasining birinchi vitse-prezidenti Umid Ahmadjonov Yaponiyaning «Vanfore Kofu» klubi rahbari, Yaponiya futbol federatsiyasi a’zosi Kazuyuki Umino va «Yaponiya-O‘zbekiston» sport va ta’lim bo‘yicha assotsiatsiyasi raisi, «Paxtakor» va «Buxoro» klubining sobiq futbolchisi Naoya Shibamura bilan uchrashuv o‘tkazdi.
Mazkur uchrashuvdan so‘ng Milliy olimpiya qo‘mitasi Matbuot va Media departamenti vakillari mutaxassislar fikri bilan qiziqdi.
Kazuyuki Umino: «O‘zbekiston futboli so‘nggi yillarda yaxshigina kuchayishga erishgan. 23 yoshgacha bo‘lgan terma jamoangiz yil boshida Osiyo chempionligini qo‘lga kiritdi. Musobaqa davomida Yaponiya, Janubiy Koreya kabi terma jamoalar mag‘lub etildi. Bu albatta o‘zbek futboli rivojlanib borayotganidan dalolat. Shu ruxda davom etsangiz, O‘zbekiston Osiyoning yetakchi futbol mamlakatiga aylanib oladi.
Kuni kecha «Bunyodkor» akademiyasini borib ko‘rdik. U yerda yaratilgan sharoitlar juda ajoyib. Mana shunday maskanda kuchli futbolchilar yetishib chiqishiga aminman.
O‘zbekiston Milliy olimpiya qo‘mitasi prezidenti va O‘zbekiston futbol assotsiatsiyasi birinchi vitse-prezidenti Umid Ahmadjonov bilan uchrashuv davomida ko‘plab kelishuvga erishdik. E’tiborlisi, «Vanfore Kofu» klubi Yaponiyaning oddiy klubidir. Ammo, shunga qaramay janob Ahmadjonov biz bilan hamkorlik qilishga tayyor ekanligini aytib o‘tdi. Bu hamkorlik har ikki tomon uchun manfaatli ekanligini eshitganimdan xursandman.
Hamkorlik qaysi yo‘nalishda olib boriladi? Biz yoshlar futbolida yaqindan hamkorlik qilmoqchimiz. O‘zbekistonlik yosh futbolchilar Yaponiyada, yapon futbolchilar esa bu yerga kelib malaka oshirishlari, tajriba almashishlari mumkin bo‘ladi. Biz nafaqat futbol, balki madaniyat bo‘yicha ham hamkorlikni rivojlantirishni istaymiz. Qolaversa, o‘zbek futbolchilarining Yaponiya klublariga o‘tishini ham istaymiz», – dedi Kazuyuki Umino.
Naoya Shibamura: «O‘zbek futbolidan yorqin xotiralar qolgan. O‘zbekistonlik futbolchilar kuchli hisoblanadilar. Ular yakkakurashlarda yaxshi harakat qiladilar.
Osiyo kubogida O‘zbekiston va Yaponiya qarama-qarshiligi? Ushbu terma jamoalar musobaqada bir guruhdan o‘rin olgani men uchun ahamiyatlidir. Chunki men har ikki mamlakatda ham futbolchi sifatida o‘ynaganman. Bugun terma jamoa safida harakat qilayotgan futbolchilar ichida men «Paxtakor»da birga o‘ynagan sobiq jamoadoshlarim ham bor. Masalan, Yegor Krimetsni misol qilib keltirishim mumkin. Har ikki jamoa ham guruhdan chiqadi. Istardimki, ular hal qiluvchi final o‘yinida bahs o‘tkazsinlar», – dedi Naoya Shibamura.
Ma’lumot uchun, Shibamura 2012 yilda Toshkentning «Paxtakor» klubida, 2013 yilda esa «Buxoro» safida harakat qilgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Vladimir Putin «Krokus»da sodir etilgan terakt uchun o‘ch olishga chaqirdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Amerikalik olimlar barcha uchun birdek foydali jismoniy faollik turini aniqladi
Germaniyada maktab o‘quvchilari ommaviy ravishda islom dinini qabul qilmoqda
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Toshkentda 02 kodli avtoraqamlar taxminan qachon paydo bo‘lishi aytildi
Rossiya dunyodagi birinchi vodorod yoqilg‘ili avtomobilni taqdim etdi
