O‘zbekiston terma jamoasi bosh murabbiyi Vadim Abramov Eron bilan ertangi o‘rtoqlik uchrashuvidan oldin championat.asia saytiga intervyu berdi.
"Yaxshi raqib, yaxshi o‘yin kutyapmiz. Ko‘p futbolchilarimizni anchadan buyon o‘yinda ko‘rganimiz yo‘q, ular ayni paytda qanday holatda ekanligini ko‘rmoqchimiz. Bunday kuchli raqib bilan bahsda futbolchilarni sinovdan o‘tkazib olamiz", - deydi Abramov.
- Oston O‘runov bilan bog‘liq holatga oydinlik kiritsangiz...
- O‘runov klubida kichik jarohati bilan o‘ynagan ekan. Biz tavakkal qilmadik. Terma jamoada o‘ynasa uni og‘irlashtirib olishi mumkin. Agar O‘runov jarohatini og‘irlashtirib olib "Spartak"da ham o‘ynamasa barcha uchun yomon bo‘lardi.
- Krimetsga nima bo‘ldi?
- U mashg‘ulotda mushaklarini tortib oldi. Shifokor mikrojarohat deb aytdi. Qatardagi maydonlar qattiqroq, bu yerdagi maydon esa yumshoqroq. Shu bois mashg‘ulot vaqtida tezlik olganda kichik jarohat oldi. U o‘ynay olardi, ammo tavakkal qilmadik.
- Sardor Rashidov nima uchun yig‘inga chaqirilmagani qiziqtirmoqda...
- Bilasizmi, bizda uning joyida o‘ynaydigan ko‘plab futbolchilar bor. Yaxshiboyev, Bozorov, Turg‘unboyev... Bundan tashqari ushbu yig‘indan oldin Rashidov bilan bog‘langanimizda o‘ziga yangi klub qidirayotganini ma’lum qildi. Shu bois unga xalal bermaslikka qaror qildik.
- Bu yig‘inga ham yangi darvozabonni chaqirdingiz. Rahimjon Davronov ilk bor chaqirildi...
- To‘g‘ri aytdingiz, har yig‘inda yangi posbonni chaqirayapmiz va ular bilan tanishyapmiz. Mashg‘ulotlar vaqtida darvozabonlarning imkoniyatlarini ko‘rib chiqyapmiz. Bo‘lajak posbonlarning imkoniyatlariga baho beryapmiz, - deydi Abramov.
Narzulla Saydullayev suhbatlashdi
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
