Xitoy yengil avtomobillar assotsiatsiyasi (CPCA) maʼlumotlariga koʻra, Xiaomi kompaniyasi avtomobilsozlik sohasida oʻz oʻrnini mustahkamlamoqda. 2026-yilning aprel oyida brend Xitoydagi elektromobillar ishlab chiqaruvchi eng yirik beshta kompaniya qatoridan joy oldi. Bu haqda Ixbt.com xabar beradi.
Kompaniya oʻtgan oyda 36 702 dona avtomobil sotishga muvaffaq boʻldi. Bu koʻrsatkich avvalroq rejalashtirilgan 30 000 donalik marradan sezilarli darajada yuqori boʻlib, Xiaomiʼning bozordagi oʻsish surʼatlari qanchalik tez ekanligini koʻrsatadi.
Hozirgi vaqtda bozor yetakchisi BYD boʻlib, u bir oy ichida 182 025 ta avtomobil sotgan. Reytingning keyingi oʻrinlarini Geely (95 585), Changan (64 471) va Leapmotor (57 162) kompaniyalari band etgan.
Xiaomi beshinchi oʻrinni egallab, Chery, Li Auto va Nio kabi bozorning eski va tajribali oʻyinchilarini ortda qoldirishga erishdi. Bu natija texnologiya gigantining avtomobil sanoatidagi muvaffaqiyatli strategiyasidan dalolat beradi.
“Zamin”ni Telegramʻda oʻqing!
