Huawei kompaniyasi xotira mikrosxemalari taqchilligi va ularning narxi oshib borayotgani sababli yangi smartfonlar uchun narx siyosatini qayta ko‘rib chiqmoqda. Fix Focus Digital insayderining ma’lum qilishicha, Huawei Nova 16 turkumi avvalgi avlod modellariga nisbatan qimmatroq narxda sotuvga chiqarilishi kutilmoqda. Bu haqda Ixbt.com xabar beradi.
Kompaniya vakillari Huawei Pura 90 taqdimoti chog‘ida komponentlar tannarxining oshishi kelgusida smartfonlar narxiga ta’sir qilishi mumkinligidan ogohlantirgan edi. Xotira modullariga bo‘lgan yuqori talab va yetkazib berishdagi muammolar ishlab chiqaruvchini shunday qarorga kelishga majbur qilmoqda.
Huawei 1-iyun kuni Xitoyda yangi avlod Nova smartfonlarini taqdim etish uchun maxsus tadbir o‘tkazishni rejalashtirgan. Ushbu qurilmalar dizayn va protsessor borasida sezilarli o‘zgarishlarga ega bo‘lishi kutilmoqda. Taxminlarga ko‘ra, taqdimotda Huawei Nova turkumining 10 yilligiga bag‘ishlangan maxsus model ham namoyish etiladi.
Fix Focus Digital avvalroq HarmonyOS operatsion tizimining kompyuter versiyasi, iPhone SE4 smartfoni suratlari hamda Huawei Pocket 2 renderlari haqidagi ma’lumotlarni oshkor qilgan edi. Endilikda barcha e’tibor 1-iyun kungi taqdimotga va yangi smartfonlarning yakuniy narxlariga qaratilgan.
“Zamin”ni Telegramʻda oʻqing!
