Oppo, Vivo, Xiaomi va Honor 2026-yilda 10 000 mA·soatlik akkumulyatorli smartfonlarni taqdim etadi

Oppo, Vivo, Xiaomi va Honor kompaniyalari MediaTek kompaniyasining yangi platformasi asosida ishlaydigan smartfonlarni sinovdan o‘tkazmoqda. Dastlabki qurilmalar 2026-yil oxiriga yaqin bozorga chiqishi kutilmoqda va ularning ba’zilari 10 000 mA·soatdan yuqori sig‘imli akkumulyatorlar bilan jihozlanadi. Bu haqda Ixbt.com xabar beradi.

Digital Chat Station insayderining ma’lumotlariga ko‘ra, MediaTek o‘rta segmentdagi mobil platformalar uchun katta yangilanish tayyorlamoqda. Bo‘lajak Dimensity 8600 chipi 3-nanometrli texnologik jarayon asosida ishlab chiqariladi va butunlay yangilangan arxitekturaga ega bo‘ladi.

Ushbu yangilik MediaTek’ning o‘rta darajali chiplari uchun so‘nggi yillardagi eng katta texnologik sakrashlardan biri bo‘lishi kutilmoqda. Yangi platforma nafaqat unumdorlikni, balki energiya samaradorligini ham sezilarli darajada oshiradi.

Eslatib o‘tamiz, Digital Chat Station avvalroq Xiaomi 15 va Xiaomi 15 Pro smartfonlarining texnik xususiyatlarini, shuningdek, Realme GT 7 Pro modelining Samsung ekraniga ega bo‘lishi hamda Dimensity 9400 chipi Snapdragon 8 Elite’dan oldinroq chiqishi haqidagi ma’lumotlarni birinchi bo‘lib aniq xabar qilgan edi.

Nodirbek Razzokov

«ZAMIN.UZ» muharriri

+ Zamin.uz saytini Google'ga qo'shing