«Hamma narsa me’yorida bo‘lishi kerak» degan oltin qoida super foydali oziq-ovqatlarga ham tegishli. Qaysi foydali oziq-ovqatlarning me’yordan oshiqchasi sizga xavf tug‘dirishi mumkin?
1. Braziliya yong‘oqlari
Bu g‘oyat katta yong‘oqlar — fertillikda va organizmning infeksiyalarga qarshi kurashish qobiliyatida muhim rol o‘ynovchi mikroelementlar va selenning miqdori bo‘yicha chempion hisoblanadi.
Braziliya yong‘oqlarini vaqti-vaqti bilan iste’mol qilish sizga foyda keltiradi, lekin ular har kuni yeyilsa, unda selendan zaharlanish yuz berishi mumkin. Zaharlanish sochlar to‘kilishi, nevrologik va me’da-ichak buzilishlari, bosh aylanishi, hatto infarkt va buyraklar yetishmovchiligini keltirib chiqarishi mumkin. «Bir haftada bir-ikki marta 1-2 dona braziliya yong‘oqlarini iste’mol qilish bilan cheklaning», tavsiya qiladi parhezshunos Jessika Kording.
2. Ismaloq va lavlagi
Tabiiyki, bu sabzavotlarning har biri — foydali moddalarning koni. Lekin bundan tashqari ularning tarkibida katta miqdorda oksalatlar — shovul kislotasining tuzlari mavjud. Oksalatlar organizmdagi foydali bakteriyalarga yordam beradi.
Shunga qaramasdan, agar sizda buyraklarda toshlar paydo bo‘lishga moyillik bo‘lsa, ratsioningizda bu sabzavotlarning oshiqchasi zarar keltirishi mumkin. «Buyraklarning vazifasi — bu moddani organizmdan chiqarib yuborish. Agar buyraklaringizda toshlar bo‘lsa, unda u bu vazifani bajarishdan to‘xtaydi va shovul kislotasi tuzlari ularda o‘tirib qoladi va toshlar paydo bo‘ladi», ogohlantiradi Kording.
Bunday hollarda shunga o‘xshash oziq-ovqatlardan butunlay voz keching.
3. Qizil go‘sht, ustritsa va oq dukkaklilar
Bularning hammasi — mushaklarga kislorod yetkazib berishda muhim rol bajaruvchi temir moddasining boy manbalari hisoblanadi. Garchi organizmda temirning yetishmasligi charchoqlik va madorsizlanishga olib kelsa ham, uning ortiqchasi jigar faoliyatiga zarar yetkazishi mumkin.
Albatta ko‘pchilik odamlar temirni ovqatdan ololmaydi. Lekin temirli qo‘shimchalarni qabul qilish — parhezshunos bilan maslahatlashishga sabab bo‘la oladi. «Yetishmovchilik borligini aniq topish va uni tartibga keltirish choralarini to‘g‘ri tanlash juda muhimdir, bu xoh ovqat va xoh qo‘shimcha bo‘lsin», deydi Kording.
Manba: Daryo.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xalqaro jinoyat sudining orderi Isroilni nega qo‘rqityapti?
