Husnbuzar (ugri) — ko‘pchilikni bezovta qiladigan terining muammosi. Ayniqsa, o‘smirlik davrida ko‘p uchrasa-da, kattalarda ham kuzatiladi. Ko‘p odamlar uni faqat ortiqcha yog‘ chiqishi bilan bog‘laydi, ammo mutaxassislar bu jarayon ancha murakkab ekanini ta’kidlaydi.
Dermatologlarning fikricha, husnbuzar chiqishining asosiy sabablari quyidagicha:
1. Gormonal o‘zgarishlar. O‘smirlik, hayz ko‘rish, homiladorlik yoki stress paytida gormonlar muvozanati buzilib, terdagi yog‘ bezlari faolligi ortadi. Bu husnbuzar chiqishiga zamin yaratadi.
2. Noto‘g‘ri ovqatlanish. Shakarli, yog‘li va tez tayyorlanadigan taomlar (fastfood, shirinliklar) organizmda yallig‘lanishni kuchaytiradi. Bu ham terini ifloslantiradi.
3. Teri parvarishida xatoliklar. Noto‘g‘ri krem yoki kosmetika vositalaridan foydalanish teri teshiklarini berkitib qo‘yadi. Natijada bakteriyalar ko‘payib, husnbuzar paydo bo‘ladi.
4. Uyqu va stress. Yetarlicha uxlamaslik va doimiy stress gormonlar faolligini oshirib, immun tizimini sustlashtiradi — bu ham husnbuzar uchun qulay sharoit yaratadi.
5. Gigiyena va turmush tarzi. Telefonni tozalamaslik, yuzni tez-tez qo‘l bilan ushlash, iflos yostiq gilamchasi — bularning barchasi bakteriyalarni teriga o‘tkazadi.
Mutaxassislar maslahatiga ko‘ra, husnbuzarni siqish yoki o‘zboshimchalik bilan dori surish emas, balki dermatolog tavsiya etgan parvarish tizimini tanlash muhim.
To‘g‘ri ovqatlanish, toza suv ichish, sog‘lom uyqu va stressdan uzoq bo‘lish — sof va barqaror teri uchun eng yaxshi “dori”dir.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
