Қурбон ҳайити намозининг ўқилиш вақтлари эълон қилинди

Ўзбекистондаги жоме масжидларда 2024 йил 16 июн, якшанба куни Қурбон ҳайити намози ўқилади. Унга кўра, Тошкент шаҳридаги жоме масжидларда эрталаб соат 05:10 да Қурбон ҳайити намози ўқилади.

Республиканинг бошқа ҳудудларида эса Қурбон ҳайити намози жоме масжидларда қуйидаги вақтларда адо этилади:

1. Андижон - соат 05:10 да;
2. Наманган - соат 05:10 да;
3. Фарғона - соат 05:10 да;
4. Тошкент ш. - соат 05:15 да;
5. Тошкент в. - соат 05:20 да;
6. Сирдарё - соат 05:25 да;
7. Жиззах - соат 05:30 да;
8. Самарқанд - соат 05:35 да;
9. Навоий - соат 05:40 да;
10. Қашқадарё - соат 05:40 да;
11. Бухоро - соат 05:40 да;
12. Сурхондарё - соат 05:40 да;
13. Хоразм - соат 05:50 да;
14. Қорақалпоғистон Рес. - соат 05:50 да.

Ушбу жадвалда кўрсатилган вақтлар қуёш чиққанидан кейин 15-20 дақиқалик фарқни инобатга олиб белгиланган.

Қурбон ҳайити байрами куни Тошкент метрополитени одатдагидан икки соат олдин, яъни тонги соат 03:00 дан иш бошлайди. Бундан ташқари, байрам кунида барча йўловчилар учун Тошкент метрополитени соат 03:00 дан 10:00 га қадар йўловчиларга бепул хизмат кўрсатади.

Президент қарорига кўра, Қурбон ҳайити 16 июнь — якшанба куни нишонланади. Ҳафтасига 5 кун ишлайдиган ўзбекистонликлар кетма-кет 4 кун дам олади: 17 июнь кўчирилган дам олиш куни, 18 июнь эса барча ходимлар учун қўшимча дам олиш куни бўлади. “Замин” янгиликларини “Инстаграм”да кузатиб боринг