2024 йилда Ер аҳолисининг сони ўтган йилга нисбатан қарийб 82 миллион кишига кўпайди. Бу ҳақда Германиянинг Жаҳон аҳолиси жамғармасига (Deutsche Stiftung Weltbev lkerung, DSW) таяниб, “ТАСС” хабар берди.
Ташкилотнинг ҳисоб-китобларига кўра, 2025 йил 1 январга қадар дунёда 8,156 миллиард киши яшайди. Германия аҳолиси бир йил ичида аввалги даражада қолмоқда ва тахминан 84 миллион кишини ташкил этган. Аҳолининг кўпайиши Африкада кузатилган. Экспертлар яқин йигирма йил ичида ушбу қитъада яшовчи одамлар сони икки баравар кўпайишини тахмин қилмоқда.
Бирлашган Миллатлар Ташкилотининг ҳисоб-китобларига кўра, 2037 йилда сайёрамиз аҳолиси биринчи марта 9 миллиарддан ошиши мумкин. Дунё аҳолисининг ўсиши давом этаётган бўлса-да, ўсиш суръати сезиларли даражада секинлашган. Ҳозирги глобал туғилиш даражаси ҳар бир аёлга ўртача 2,2 болани ташкил қилади.
Эслатиб ўтамиз, Қозоғистон аҳолиси 2024 йил 1 май ҳолатига кўра, 20 миллион 118 минг 478 кишини ташкил этганди. Қирғизистонда 2024 йил бошидан буён аҳоли сони 91,7 минг кишига ёки 1,3 фоизга ошган. Октябрь ойидаги кўрсаткич бўйича аҳоли 7 миллион 254 минг кишини ташкил этмоқда. Ўзбекистонда эса 9 декабрь ҳолатига доимий аҳоли сони 37 миллион 535 минг 605 кишини ташкил қилган. Шулардан аёллар сони — 18,6 млн киши; эркаклар сони эса 18,9 млн киши. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
