Фото: Getty Images
Қуйидаги жумлалар исталган муносабатларнинг мустаҳкам бўлиши ва суҳбатдошда яхши таассурот қолишига сабабчи бўлади.
Ёрдам керакми?
Турли тушунмовчилик ва баҳсларга иккинчи томоннинг мавжуд муаммога ечим топмаслиги ва топишни истамаслиги сабаб бўлади. Қарс икки қўлдан чиқиши кераклигини инобатга олган ҳолда қаршингиздаги инсонга нима қилиш кераклигини ўргатгунча унга ёрдам таклиф қилинг. Ёрдам беришга шайлик мард инсонларга хос. Фақат бир нарсани унутманг, ёрдам бериш истаги ёки хоҳишни ҳис қилмай, шунчаки айтилиши керак бўлгани учун аравани қуруқ очиб қочиш ярамайди, бу эса муносабатларнинг самимий эмаслигидан далолат беради
Бу ҳақда сизнинг фикрингиз қандай?
Қаршингиздаги инсон сизнинг жуфтингиз, оила аъзонгиз, дўстингиз ёки ҳамкасбингиз бўлишидан қатъи назар, умумий мавзу ҳақида гап кетганда унинг фикри билан қизиқинг. Сизга кераклиги, фикри муҳимлигини билган инсонда ўзига ишонч пайдо бўлади ва сиз билан алоқалари яхшиланишига олиб келади.
Узр сўрайман
Исталган муносабатда ҳам хатосини билиш ва тан олиш муҳим саналади. Ҳақиқатан ҳам айб сиздан ўтдими, узрингизни сўранг.
Келинг, бу ҳақда унутамиз
Кечиримли бўлиш ҳам бир фазилат, айниқса, шахсий муносабатларда. Лекин кечирилиши мумкин бўлган ва бўлмаган вазиятларни фарқланг ва вақтида қадрингизни билган ҳолда иш тутинг. Асосийси эса кечиргандек туйилиб, ўзингизни алдаб яшамасдан чин дилдан афв этинг.
Сизсиз нима ҳам қилолган бўлардим?
Ҳар бир инсон учун уни қадрлашлари ва ҳурмат қилишларини эшитиш, асосийси эса ҳис қилиш ёқимли. Қаршингиздаги инсоннинг сиз учун аҳамиятли эканини билдиринг, лекин кўпиртирманг ва тилёғламалик қилманг. Ростан ҳам ҳис қилган туйғуларингизни англатинг, ўзингизни ҳам, бошқа инсонни ҳам алдаманг.
Исмини айтиб чақириш
Инсон исмини айтиб мурожаат қилиниши ва суҳбат давомида қайта-қайта такрорланиши, суҳбатдошда ишонч, симпатия ва бошқа ижтимоий эмоцияларни ҳис қилишга сабабчи бўлиши психологик жиҳатдан исботланган. Фақат шарт бўлмаган жойда қайта-қайта исм айтилиши асаббузарликни келтириб чиқариши мумкин. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
БААда исроиллик раввин ўлдириб кетилди
Медведев: Махсус ҳарбий операция учун қуролларнинг аксарияти Россияда ишлаб чиқарилади
Хитойлик ҳакерлар АҚШдаги 150 нафар сиёсатчи ортидан жосуслик қилган бўлиши мумкин
Қашқадарёда эркак аёли ва чақалоғини ўлдириб, сўнг ўз жонига қасд қилди
Байден ҳозирча Украинани НАТОга таклиф этишга чақирмасликка қарор қилди
Шармандали мағлубиятдан кейин мураббий футболчиларни қамаб қўйди
Гавининг қилиғи Фликка ёқмади: “Ақл ўргатишни сенга ким қўйибди?”
Киев ва Москва ўртасидаги тинчлик музокаралари: у қандай кўринишда бўлиши мумкин?
