Merrimak коллежи олимлари инсон хотирасининг янги қиррасини очишди. Frontiers in Behavioral Neuroscience журналида чоп этилган тадқиқотга кўра, маълумотни мақсадли равишда ёдлаш — ҳиссий таъсир орқали ёдлашдан анча самарали эканлиги аниқланди.
Тадқиқот давомида иштирокчиларга турли маънога эга бўлган сўзлар кўрсатилди. Улардан айримларини эслаб қолиш, бошқаларини эса унутиш сўралди. Кейин эса иштирокчилар қўлларидан келганича кўпроқ сўзни ёдда сақлашга уриндилар.
Натижада маълум бўлдики, инсонлар махсус равишда ёдлашга ҳаракат қилган сўзлар — ҳатто кучли ҳис-туйғуларни уйғотмаса ҳам — хотирада яхшироқ сақланади.
“Биз аниқладикки, инсоннинг ‘эслаб қоламан’ ёки ‘унутиб қўяман’ деган қарорлари маълумотнинг ҳиссий мазмунидан кўра кўпроқ аҳамиятга эга. Аслида, биз хотирамиз устидан ўйлагандан кўра каттароқ назоратга эгамиз”, — дейди тадқиқот раҳбари доктор Курдзел.
Мутахассислар таъкидлашича, самарали хотиранинг асоси — онгли эътибор ва ички рағбат. Ҳиссиётлар эса бу жараёнда иккинчи даражали роль ўйнайди.
Доктор Курдзелнинг сўзларига кўра, “эслаб қол” деган кўрсатма мияга маълумотнинг муҳимлигини англашга ёрдам беради ва уни узоқ муддатли хотирада “белгилаб қўйиш” механизмларини фаоллаштиради.
“Zamin”ни Telegram'да ўқинг!
