Швейцария Марказий Европада жойлашган кичик, аммо ривожланган мамлакатдир. Унинг пойтахти Берн ҳисобланади. Бу мамлакат тўртта расмий тилда сўзлашади: немис, француз, италян ва ретороман.
Швейцария дунёда ўзининг бетакрор табиати билан машҳур. Ҳудудининг катта қисми Алп тоғларидан иборат бўлиб, бу жойлар сайёҳлар учун севимли маскан саналади. Мамлакат 1815-йилдан бери ҳарбий нейтраллик сиёсатини юритиб, урушларда иштирок этмай келмоқда.
Швейцария шоколад ва соатлар ишлаб чиқаришда етакчи ўрин эгаллайди. Шунингдек, швейцарияликлар йилига ўртача 10 килограмм шоколад истеъмол қилади.
Швейцарияда экология муҳим ўрин тутади – чиқиндиларни ажратиб ташлаш мажбурий ҳисобланади. Шу жиҳатлари билан Швейцария дунёдаги энг тинч ва қулай яшаш жойларидан бири сифатида эътироф этилади.
![img]https://zam](/templates/zaminuz/dleimages/no_image.jpg)
