Эркаклар аёлларга нисбатан тезроқ қариши илмий жиҳатдан тасдиқланди, деб хабар берди pnas.org.
Proceedings of the National Academy of Sciences журналида чоп этилган сўнгги тадқиқот натижаларига кўра, эркаклар ёш ўтиши билан мия ҳажмини тезроқ йўқотади. Миядаги кўплаб соҳаларда ҳужайралар фаолияти пасайиши уларда қариш жараёнини тезлаштиради.
Тадқиқот доирасида мутахассислар 4726 нафар инсоннинг 12,5 мингдан ортиқ магнит-резонанс томография (МРТ) суратларини таҳлил қилди. Ҳар бир иштирокчида ўртача уч йиллик оралиқ билан камида иккита тасвир ўлчанди.
Натижалар шундан далолат бердики, эркакларда мия ҳажми аёлларга нисбатан кўпроқ қисқарган. Хусусан, ҳиссиёт ва ҳаракатлар учун масъул бўлган постмарказий пўстлоқ қисмида эркакларда йилига 2 фоиз атрофида камайиш кузатилган. Аёлларда бу кўрсаткич 1,2 фоизни ташкил этган.
Олимларнинг фикрича, бу ҳолат эркакларда қариш жараёнининг тезроқ кечишига ва умр давомийлигининг қисқаришига сабаб бўлади. Бироқ шунга қарамай, аёлларда Алцгеймер касаллиги ҳали ҳам икки баравар кўп учрайди.
Янги илмий иш эса бу ҳолат кексаликнинг ўзи билан эмас, балки бошқа биологик ва генетик омиллар билан боғлиқ бўлиши мумкинлигини кўрсатмоқда.
Тадқиқот муаллифлари хулоса қилдики, мия ҳажми қариш жараёнидаги энг аниқ кўрсаткичлардан бири бўлиб, инсон ҳаёти тарзи, стресс даражаси ва уйқу сифатининг ҳам катта аҳамияти бор.
“Zamin”ни Telegram'да ўқинг!
![img]https://zam](/templates/zaminuz/dleimages/no_image.jpg)
