2026 йил 1 апрелдан бошлаб Ўзбекистонда айрим тўловлар фақат нақдсиз шаклда амалга оширилади. Бу ҳақда Президент Шавкат Мирзиёевнинг фармонида айтилган.
Қонунга кўра, давлат ташкилотлари хизматлари, коммунал тўловлар, алкогол ва тамаки маҳсулотлари, ёқилғи қуйиш шохобчаларидаги тўловлар, шунингдек, қиймати 25 миллион сўмдан юқори бўлган товарлар ва хизматлар учун тўловлар фақат нақдсиз шаклда қабул қилинади. Бундан ташқари, 10 йилдан кам вақт олдин ишлаб чиқарилган кўчмас мулк ва транспорт воситалари, жумладан махсус техника бўйича битимлар ҳам фақат нақдсиз шаклда амалга оширилади.
Ҳужжатда 2030 йилга келиб яширин иқтисодиёт улушини камайтириш ва савдо ҳамда хизмат кўрсатиш соҳасида нақдсиз тўловларни 75 фоизга етказиш режалаштирилгани таъкидланган.
Меҳмон гуруҳидаги фойдаланувчилар ушбу мақолага изоҳ қолдира олмайди.
