Мадриднинг «Реал» клуби ҳужумчи Винисиус Жуниор билан янги шартнома имзолангани ҳақида бу ёз бўлиб ўтадиган клублар ўртасидаги жаҳон чемпионати стартига қадар расман хабар беришни режалаштирмоқда. Бу ҳақда euro-football.ru хабар беради.
Futbol del Sr.Destrangis манбасига кўра, бразилиялик футболчи билан келишув 2031 йил ёзигача мўлжалланади. Шундан сўнг Винисиус «қироллик клуби»даги маошлар рейтингида фақат Килиан Мбаппедан кейин иккинчи ўринга чиқади. Турли бонуслар ҳам инобатга олинса ва барча бандлар бажарилса, унинг даромади франсуз юлдузининг кўрсаткичларига яқинлашиши мумкин.
Винисиус 2018 йилда «Фламенго»дан «Реал»га 45 миллион евро эвазига кўчиб ўтган. Унинг амалдаги шартномаси 2027 йил 30 июнгача кучга эга. Жорий мавсумда бразилиялик барча мусобақаларда 31 учрашувда майдонга тушиб, 7 та гол урди ва 11 та голли пас берди.
“Zamin”ни Telegram'да ўқинг!
