Риштон туманида келин сепи билан боғлиқ низо қонуний тартибда ҳал этилди. Ажрашган фуқаронинг мурожаати асосида Мажбурий ижро бюроси томонидан белгиланган тартибда ижро ҳаракатлари амалга оширилди.
Ўрганишлар давомида никоҳ даврида келин томонидан олиб келинган сеп буюмлари аниқланиб, қонуний асосда рўйхат шакллантирилди. Ушбу рўйхатга мувофиқ, 75 турдаги буюм — маиший анжомлар, ошхона жиҳозлари, ётоқ анжомлари, шахсий фойдаланиш буюмлари ҳамда болага тегишли жиҳозлар эгасига қайтарилди.
Ижро жараёни амалдаги қонунчилик талабларига тўлиқ риоя этилган ҳолда ўтказилди. Шу тариқа, фуқаронинг мулкий ҳуқуқлари таъминланди.
Мазкур ҳолатда қонун устуворлиги таъминланган бўлса-да, воқеа оилавий муносабатларнинг мураккаб жиҳатларини яна бир бор кўрсатди. Айниқса, бола манфаатлари ва оила барқарорлиги масалалари жамият учун муҳим аҳамиятга эга экани қайд этилади.
Мажбурий ижро органлари фаолиятида қонун талабларига қатъий амал қилиш билан бирга, ижтимоий масалаларга нисбатан масъулиятли ёндашув устувор ҳисобланади.
“Zamin”ни Telegram'да ўқинг!
