Ирактағы америкалық базада түнгі өрт шықты

Ирак астанасы Бағдадта орналасқан америкалық "Виктория" әскери базасының аумағында 7 наурызға қараған түні қатты өрт болды. Бұл туралы Press TV телеарнасы хабарлады.

Алдын ала мәлімет бойынша, әскери нысанға ұшқышсыз ұшатын аппарат арқылы соққы жасалуы мүмкін. Оқиғадан кейін база аумағында жалын тұтанғаны айтылады.

Әзірге шабуылдың салдары, зардап шеккендер немесе келтірілген залал мөлшері туралы ресми мәліметтер жарияланбады. Жағдай төңірегіндегі мәліметтер анықталуда.