Трамп АҚШ операциясы жақын апталарда аяқталатынын айтты

АҚШ президенті Дональд Трамп Таяу Шығыстағы әскери операцияның алдағы 2-3 аптада аяқталатынын мәлімдеді. Оның айтуынша, атқарылған іс-әрекеттердің нәтижесінде негізгі мақсаттарға қол жеткізілген.

Трамптың айтуынша, АҚШ Иранның ядролық қару жасау мүмкіндігін жоққа шығарды. Ол сондай-ақ ел ішінде "сабырлы көшбасшылардың" билікке келгенін атап өтті.

Ақ үй басшысы Вашингтон Тегеранмен келісімге келу-келмеуіне қарамастан, операцияны аяқтап, аймақтан кететінін айтты. Оның пікірінше, операцияны жалғастырудың қажеті жоқ.

"Иранның экономикасы мен әскери қуаты айтарлықтай әлсіреді," - деп қосты Трамп.

Сонымен қатар, АҚШ президенті бүгін, жергілікті уақыт бойынша сағат 21:00-де Иран мәселесі бойынша халыққа үндеу жасайды деп күтілуде.