Ердоған АҚШ пен Иран арасындағы уақытша бейбітшілікті құптады

Түркия президенті Режеп Тайып Ердоған АҚШ пен Иран арасында орнаған уақытша бейбітшілікке ризашылығын білдірді.

Ердоған бұл пікірін жеке әлеуметтік желідегі парақшасында жариялады. Ол өз сөзінде кеше кешке қақтығыста жарияланған бітімгершілікті құптағанын, аймақта 28 ақпаннан бері жалғасып жатқан әскери іс-қимылдар аясында мұндай келісімнің маңызы зор екенін атап өтті.

Түркия басшысы бітім шарттарының толық сақталатынын, кез келген арандатушылыққа немесе саботажға жол берілмейтінін күтетінін жеткізді. Ол сондай-ақ келісімге үлес қосқан барлық елдерді, әсіресе дос әрі бауырлас Пәкістанды шын жүректен құттықтады.

Ердоған аймақта тұрақтылық, тыныштық пен бейбітшілік тез арада қалпына келетініне үміт білдірді.