Оңтүстік Кореяда жасанды интеллект көмегімен жалған ақпарат таратқан автор жауапқа тартылды

Оңтүстік Кореяда тараған жалған хабар үлкен шу мен алаңдаушылыққа себеп болды.

Мәліметтерге сәйкес, жергілікті хайуанаттар бағынан қасқыр қашып кеткені туралы хабар жасанды интеллект көмегімен жасалған жалған суретпен бірге таратылған.

Бұл хабар қысқа уақыт ішінде әлеуметтік желілерде кеңінен тарап, халық арасында дүрбелең туғызған.

Жағдайдың күрделенуіне байланысты үкімет тарапынан шұғыл ескерту жарияланып, полиция іздестіру жұмыстарына үлкен күш жұмылдырған.

Кейінірек тексеру нәтижесінде бұл оқиғаның шындыққа жанаспайтыны және бәрі жасанды түрде жасалғаны белгілі болды.

Құқық қорғау органдары жалған ақпарат авторын қолға түсірді. Оған қатысты қылмыстық жауапкершілік қолданылуы мүмкін, ол 5 жылға дейін бас бостандығынан айырылуы ықтимал.