Жапонияда шенеуніктер енді шорт та киюге болады

Токио үкіметі мемлекеттік мекеме қызметкерлері үшін еркін әрі заманауи киім үлгісін енгізді.

Жаңа ережеге сәйкес, шенеуніктерге поло, футболка, кроссовка және кейбір жағдайларда шорт сияқты ыңғайлы киімдермен жұмыс істеуге рұқсат етілді.

Бұл шешімнің негізгі мақсаты — жазғы ыстықта кондиционерлерді аз пайдалану арқылы энергия шығынын азайту.

Мамандар мұндай тәсіл жайлылықты арттырып қана қоймай, экологиялық тиімділікке де қызмет ететінін атап өтуде.

Бұл өзгеріс Жапонияда бұрын енгізілген «Cool Biz» бағдарламасының кеңейтілген түрі екені атап өтілді.