Мысырға отбасы мүшелерімен бірге келген турист жылан шағуы салдарынан қайтыс болды. Бұл туралы The Guardian хабарлады.
Мәліметтерге сәйкес, германиялық турист сәуір айында Хургада қаласына барған. Ол қонақүйде ұйымдастырылған жыланды арбау шоуына қатысқан.
Германия полициясы бұл шоуда екі кобра қолданылғанын мәлімдеді. Олар көрермендердің иығына және мойнына қойылған.
57 жастағы зардап шегушіде улану белгілері байқалған, ол ауруханаға жеткізілгенге дейін реанимациялық шаралар жүргізілген. Дәрігерлердің барлық әрекеттеріне қарамастан, ер адамның өмірін сақтап қалу мүмкін болмады.
Оның аты-жөні жарияланбады, бірақ ол Унтералльгой аймағынан болып, екі жақынымен бірге демалыста болған. Германия полициясы мен прокуратурасы бұл оқиға бойынша тергеу амалдарын жүргізуде, токсикологиялық сараптама нәтижелері күтілуде.
Мысыр билігі болса бұл оқиғадан бейхабар екенін мәлімдеген.
“Zamin”-ді Telegram-нан оқыңыз!
