Неміс студенті ауада Рубик текшесін жинау бойынша рекорд орнатты

Неміс блогері және медицина студенті Том Копке парашютпен секіру кезінде Рубик текшесін жинаған әлемдегі алғашқы адам ретінде Гиннестің рекордтар кітабына енді, деп хабарлайды Dzen.

Рекорд еркін құлау кезінде тіркелді. Копке 23,333 секунд нәтиже көрсетті.

Рекордшының өзі Рубик текшесін алғаш рет 18 жасында жинап көргенін және содан бері көп жаттыққанын мойындады. Ауада трюк жасау идеясы оған бірден келмеген.

«Ол кезде менде ақша да, парашютпен секіру лицензиясын алуға уақыт та болмады, сондықтан мен бұл істі аяғына дейін жеткізе алмадым», — деді Копке.