Франция прокуратурасы Саркозиге 7 жыл бас бостандығынан айыруды сұрады

Франция прокуратурасы Николя Саркозиге қатысты 7 жыл бас бостандығынан айыру жазасын тағайындауды сұрады. Ол 2007 жылғы президенттік сайлау науқанын Ливиядан түскен қаражат есебінен заңсыз қаржыландырды деп айыпталуда.

Прокуратура, сонымен қатар, Саркозиге 300 мың еуро көлемінде айыппұл салып, 5 жыл бойы мемлекеттік қызмет атқару құқығынан айыруды талап етуде. Тергеу тарапы бұл істе қаржылық заңбұзушылықтар болғанын алға тартуда.

Бұған дейін Саркозидің басқа бір сайлау шығындарына қатысты іс аясында шартты түрде мерзімінен бұрын босатылғаны хабарланған болатын. Сот 5 мамырда оның пайдасына шешім қабылдаған.

Бұл шешім Саркозидің 71 жаста екендігімен түсіндіріліп, 7 мамырдан бастап күшіне енген. Жазаны өтеу тәртібін жеңілдетуді оның өзі сұрағаны айтылуда.