Трамптан кейін Ресей басшысы Владимир Путин Қытайға сапарламақ

Ресей басшысы Владимир Путиннің Қытайға бір күндік сапармен баруы күтілуде. Мәліметтерге қарағанда, бұл сапар АҚШ президенті Дональд Трамптың Бейжіңге жасаған жоғары деңгейдегі сапарынан бірнеше күн өткен соң жүзеге асады.

South China Morning Post дереккөздеріне сәйкес, Путиннің Бейжіңге сапары 20 мамырға жоспарланған. Сапар Мәскеу мен Бейжің арасындағы тұрақты саяси байланыстар аясында өтетіні айтылуда.

Дереккөздер бұл сапардың үлкен салтанатты қарсы алу немесе дүркіреген рәсімдермен өтуі күтілмейтінін білдірген. Дегенмен, Қытайдың қысқа уақыт ішінде АҚШ пен Ресей басшыларын қабылдауы халықаралық аренада назар аудартып отыр.

Сарапшылардың пікірінше, Бейжің осы арқылы Вашингтон мен Мәскеумен қарым-қатынасты теңгерімде ұстауға тырысуда. Сонымен қатар, Қытай күрделеніп бара жатқан жаһандық саяси жағдайда өзін маңызды күш орталығы ретінде көрсетуде.