Владимир Путин өзінің алғашқы ұстазын Жеңіс парадына жеке шақырды

Ресей президенті Владимир Путин өзінің алғашқы ұстаздарының бірі Вера Гуревичке ерекше назар аударғаны туралы хабарлар тарады. Кремльдің баспасөз хатшысы Дмитрий Песков президенттің ұстазын Мәскеудегі 9 Мамыр — Жеңіс парады іс-шараларына жеке өзі шақырғанын мәлімдеді.

Мәліметтерге сәйкес, Вера Гуревич астанада бірнеше күн қонақта болған. Кешкі уақытта Владимир Путиннің өзі Арбаттағы қонақүйлердің біріне барып, ұстазын Aurus автокөлігімен алып кеткен.

Осыдан кейін Ресей президенті Вера Гуревичті Кремльге кешкі асқа шақырғаны айтылуда. Бұл оқиға әлеуметтік желілерде кеңінен талқыланып, көпшілік тарапынан ұстаздарға деген құрметтің үлгісі ретінде бағалануда.