Мароккода тұрғын үйдің құлауы салдарынан адамдар қаза тапты

Марокконың солтүстігіндегі Фес қаласында тұрғын үйдің құлауы салдарынан қаза тапқандар саны 14 адамға жетті. Бұған дейін құрбандар саны 11 адам деп хабарланған болатын.

Оқиға Айн Накби ауданында болды. Жергілікті Hespress агенттігі медицина қызметкерлеріне сілтеме жасай отырып, тағы алты адамның жарақат алғанын, олардың кейбіреуінің жағдайы ауыр екенін хабарлады.

Қаза тапқандардың денелері мен зардап шеккендер облыстық қалалық ауруханаға және Хасан II атындағы университет ауруханасына жеткізілді.