Қытайда жасырынбақ ойыны кезінде жоғалған бала 35 жылдан кейін отбасын тапты!

1991 жылы 13 жастағы Лэй Сзесин достарымен жасырынбақ ойнап жүріп, абайсызда пойызға мініп кеткен. Ол жолда ұйықтап қалып, оянғанда үйінен мың шақырымнан астам қашықтағы бейтаныс қалаға келгенін түсінген.

Есту және сөйлеу қабілеті жоқ бала айналасындағыларға өзінің аты-жөні мен мекенжайы туралы толық ақпарат бере алмаған. Соның салдарынан ол Шэньчжэньде қалып қойған. Кейінгі жылдары оған жергілікті әйел әрі мейрамхана иесі Хун Синсян көмектескен.

Лэй отбасын табу үмітін 35 жыл бойы үзбеген. Күтпеген бетбұрыс интернеттегі іздеу тобында болды. Оның ағасы Лэйдің аты иероглифтермен кері тәртіпте жазылғанын көріп, бұл бала кезінде тек екеуі қолданған тәсіл екенін байқаған.

Ағайындылар бала кезінде ымдау тілінде сөйлесіп, өзара жасырын ойындар ойнайтын. Осы естелік Лэйді танудағы негізгі белгі болды.

Көп ұзамай ДНҚ сараптамасы олардың туыстығын растады. Лэй Сзесин 35 жылдық айырылыстан кейін отбасымен қайта қауышты.