Ульяновск автомобиль зауытының бас директоры Ильнур Сахабиев өзінің «VK Video» арнасында жаңартылған UAZ Patriot моделінің ресми видеоролигін көрсетті. Зауыт басшысы бұл жол талғамайтын көліктің биыл күзде нарыққа шығатынын растады. Бұл туралы Ixbt.com хабарлайды .
Мәлім етілгендей, күзде бірден үш жаңалық ұсынылады: жаңартылған Patriot моделінен бөлек, модернизацияланған Pickup және Profi модельдері де сатылымға шығады. Видеода жол талғамайтын көліктің жаңа дизайндағы рөлі мен алдыңғы панелі жақыннан көрсетілген.
Салонда жаңа 6 сатылы механикалық беріліс қорабының тұтқасы мен раздатканы басқаруға арналған айналмалы селектор айқын көрінеді. Сондай-ақ, климаттық бақылау блогы мен артқы орындықтағы жолаушылар үшін көптеген USB порттары орнатылғаны белгілі болды.
Техникалық тұрғыдан жаңартылған UAZ Patriot 150 ат күші бар 2,7 литрлік ZMZ Pro бензинді қозғалтқышымен және 136 ат күшін беретін жаңа 2,0 литрлік турбодизель моторымен жабдықталады. Екі агрегат та жаңа 6 сатылы «механикамен» бірге жұмыс істейді.
Бұған дейін тараған ақпаратқа сәйкес, көлік 9 дюймдік экраны бар жаңа медиажүйемен және толық жарықдиодты оптикамен жабдықталады деп күтілуде.
“Zamin”-ді Telegram-нан оқыңыз!
